APV - qanoruna allaqqasussaq?
Sullivinnik Nalilersuinerit (APV = ArbejdsPladsVurdering) suliffeqarfinnut atortorissaarutaavoq sulliviup avatangiisaa nalilersornissaanut.
Kina APV-mik tunineqassava?
Suliffeqarfiit sulisullit tamarmik APV-eqassapput
APV piumasaqaataava?
Aap - APV Sullivimmi avatangiisinut inatsi malillugu piumasaqaataavoq.
APV suua?
Suliffeqarfimmi sulliviit avatangiisaanik ajornartorsiutit allatatigut allattorsimaffiuvoq. Inatsimmi allaqqasutigut piumasaqaataanngillat, kisiannili soorunami ajunngitsuussapput. APV sulisorisat sulisitsisullu sulliviup avatangiisaasa pitsaasumik inissisimanissaannut isumaqatigiissutigisinnaasaanik imaqarpoq. Pissutsit suliarineqartariaqartut periusissiassami allaqqassapput, kikkut akisussaassanersut qaqugulu naammassineqassaneri allaqqassallutik.
APV qanoq suliarissavara?
APV suliarinerani periuserineqartut kiffaanngissuseqarfigineqarput, pingaarnerpaavorli sulisut peqataatinnissaat allakkatigullu tamanna qulakkeerlugu. Tamanna ataatsimiinnikkut, apersuiinikkut imaluunniit immersugassanik sananikkut pisinnaavoq!
Ilitsersuutinik peqarpa?
Aap - sullivinnik nakkutilliisoqarfik branchekkaartunik ilitsersuutinik sananikuuvoq, danskit sullivinnik nakkutilliisut siunnersuisooqatigiivisa aammalu danskit inuussutissarsiornikkut suliniaqatigiiffii maani katersorsimasatsinnik ilitsersuusiornikuupput, TAKUKKIT
Apeqqutissaqarumami?
Sulisitsisuni ilaasortaaguit allattoqarfipput apeqqutissaqaruit allallutilluunniit sianerlutit attaveqarfigisinnaavatit. Sulisitsisut APV pillugu angalallutik aallarniutaasumik saqqummiisaqattaarnikuupput. Klausen@ga.gl imaluunniit ga@ga.gl attavigisinnaavat.
Kalaallit Nunaanni Sulisitsisut Aalisartut sulllivinnik nakkutilliinikkut siunnersuisooqatigiivi suleqatigalugit nittartakkakkut APV-aqutseriaatsimik sananikuupput, aalisarnermut atugassiaq.
Aalisariutit suussusai uku piupput. Raajarniut Qassusersortut Bundgarnersortut Ningittakkersorneq Uiluiit Saattuat
Aalisariutit suussusai qulaani allattorsimasut avataasigut uku aamma ilaapput: Umiarsuaq fabrikkitalik Saattuanik aalisarneq
Suliffeqarfiit aalisariutinut aqutseriaatsimik pilersitserusuttut klausen@ga.gl attavigissavaat. Suliffeqarfiit aqutseriaatsimi pilersitserusuttut ataaniittoq immersugassaq immersussavaat.
Ilaasortanut aqutseriaaseq akeqanngilaq.
Ilaasortaanngitsunut pilersinneranut 500,00kr-neqarpoq ilaasortaanermullu akiliut ukiumut 2.500,0kr-neqarluni. Aalisariutit ilaasortanngortissimagukku isertaammillu pisimallutit, aqutseriaatsimut uunga ISERIT
Sullivinnik Nakkutilliisoqarfiup nittartagaani inatsisit maleruagassallu, qulequttat, Sullivinnik avatangiisit pillugit Ilinniartitaaneq aammalu Nakkutilliisoqarfik pillugu paasissutissat tamarmik iserlutit takusinnaavatit.
Karsten Lyberth-Klausen Sullivinnik Avatangiisinik Siunnersuisooqatigiit Sulisitsisut sinnerlugit aallartitaavoq, ilaasortaq arlaat Sullivinnik Avatangiisinik Siunnersuisooqatigiivinut pissutsinik qaqitserusukkuni Karsten Lyberth-Klausen emailianut klausen@ga.gl imaluunniit oqarasuaataanut 584101 attaviginnissaaq.
Sullivinnik Avatangiisinik Siunnersuisooqatigiit suliai paasisaqarfiginerukkit
