Apeqqutit uku corona peqqutigalugu inissisimanerlulernermi suliffeqarfinnut sulisunullu akissutisineqarusunnissaat naatsorsuutigineqarsinnaapput:
Suliffeqarfik sulisorlu isumaqatigiissuteqarsinnaapput angerlarsimaffimmiik sulisinnaanermik, qaangiuttoornermut taarsiullugu sulinngiffeqarneq, ilaannakortumik nikerartumilluunniit sulinerit, sulinngiffeqarnerit (Ferie) imaluunniit akissarsiaqarnani sulinngiffeqarnerit.
Sulisorli akisussaaffigaa meeqqami paaqqutarineqarnissaa. Taamaattumik sulisoq meeqqeriviit matoqqanerini aaqqiissummik nammineq nassaartariaqassaaq.
Kommuunini paaqqutarinninnikkut immikkut aaqqiinerit
Kommuunit arlallit nalunaarutigereerpaat angajoqqaat paaqqutarinniffinnut periarfissaqanngitsunut sulisariaqartunullu meeqqami paaqqutarineqarnissaanik periarfissiuussisinnaallutik.
Kaammattorneqarputit kommuunit saaffigissagit suut aaqqiissutit kommuuninni atuunnersut: http://www.sermersooq.gl/ www.qeqqata.gl (Maniitsoq = man.uddannelse@qeqqata.gl Sisimiut = sis.uddannelse@qeqqata.gl) www.qeqertalik.gl www.avannaata.gl www.kujalleq.gl
Paaqqutarinninnikkut immikkut aaqqiinerit kommuuninit atattsimoorussamik nalunaaruteqarneq
2. Suliffitsinni sulisut pisariaqavinngitsut angerlarsimaffimmiit sulisinnaanngorlugit angerlartiinnassavagut?
Suliffeqarfiup nammineq aalajangigassaraa ilumut sulisoq ilumut tamakkiisumik ilaannakortumilluunniit angerlarsimaffimmiit sulisinnaanersoq, aammalu sulisut sorlerpiaat pineqarnersut.
Periarfissat arlallit eqqarsaatigineqarsinnaapput, sulisut nikerartumik suliffimmiissinnaaneri qanimut peqatigiinnissaq annikillisarniarlugu.
Sulisoq angerlarsimaffimmiit sulisussaatitaavoq apeqqutaalluni qanoq pariarfissaatiginersoq.
Suliffeqarfiit tamarmik meeraqarnissaanut tulluartuunngillat, soorlu maannakkut pisut eqqarsaatigalugit, oqartussat kajumissaaruteqarmata suliffeqarfinni qanimut peqatigiinnissaq pinaveersaartinneqarnissaanik oqariartuuteqarlutik, taamaattumik meeqqanik nassarnissaq pissusissamisoornani.
Aap, sulisitsisoq aaliangertussaavoq sulisoq takkussinnaanersoq takkussinnaannginnersorluunniit.
Naalakkersuisut inuussutissarsiortunut kaammattuivoq sulisut angerlarsimaffimmiit sulisinnaappata piffissaagallartumi pariarfissinneqassasut.
Kim Kielsen Kalaallit Nunaata avataaniit tikittunut tamanut mattusimagallartoqartarnissaanut kajumissaarineranut atatillugu Sulisitsisut ilaliivoq. Suliffeqarfilli kajumissaarut ilumut malinniarnerlugu nammineq aalajangertussaavaa.
Sulisoq angerlarsimaffimmi sulinissaminut periarfissarisaa aallaavigalugu tamanna pisussaaffigaa.
Sulisitsisut SIK peqatigalugu isumaqatigiissutaa aallaavigalugu sulisitsisoq periarfissaqarpoq sulisuminut suliarineqartussap piffissalerneqarnera periarfissiissutigissallugu.
Qaammammusialinnut/Atorfilinnut neqeroorut saqqummmiunneqarsinnaavoq, kisiannili sulisut eqqaaneqartut ilaannakortumik sulerusussimannginnerat peqqutigalugu tunngaviusumik soraarsinneqarsinnaanngillat/angerlatinneqarsinnaanngillat.
Taamaammat Sulisitsisut innersuussutigaat suliffeqarfiit sulisuminik ilaannakortumik suliaqalernissaanik neqerooruteqartut mianersoqqissaartumik, allattorluakkami, takussutissaqarluarnissaat, kingusinnerusukkut soraarsitsinissamut atorneqarsinnaasunik.
Sulisoqarnikkut ikiorsiissutit uani TAKUKKIT
Sumiiffiit ernumanartullit allattorsimaffiat Statens Serum Institut aammalu Peqqinnissaqarfimmiit nalunaarsorneqarput, ukunanilu takuneqarsinnaallutik Nakorsaaneqarfiup COVID-19 pillugu paasissutissiivia ilaatigullu Sundhedsstyrelsens særlige informationsside om COVID-19.
Suliffeqarfiup nappaalanersuaqarneranut ataatsimiitsitaliarsuup innersuussutai malissimagunigit, sulisut tunillaassuiffimmiittut ulluni 14-ni angerlarsimaannarallarnissaanik innersuussinarnermut tunngasoq imaluunniit sulisut sinneri angerlatiinnarsimagaanni sulisut pineqartut akissarsiaqarnissaminnut pisinnaatitaaffeqarput. Peqqutaavoq suliffeqarfiup nammineq aalajangigarimmagu, sulisup suliartortariaqannginnera.
Oqartussat namminersorlutik inuussutissarsiortunut naalakkiisinnaanngillat sulisutik angerlartiinnarnissaanik, kisianni oqartussat innersuussinerat naammattussaassooq, Sulisitsisut ilaasortani kaammattorpai.
Sulisoq coronavirusimik tunillatsissimasoq napparsimatilluni akissarsiaqartarnermut maleruagassat naliginnaasut malillugit napparsimanermut, napparsimanermorsiat imaluunnit napparsimatilluni ullormusiaqarnissaminnut akissarsiaqarnissaq pisinnaatitaaffigaa.
Atorfillit pillugit inatsi napparsimanermi tamakkiisumik akissarsiaqarnissamut pisinnaatitaaffeqarpoq. Iusmaqatigiissut malillugu akissarsiallit isumaqaigiissutit imaluunniit ataasiakkaatut isumaqatigiissut malillugu napparsimanermi akissarsiaqartussaavoq.
Naamik suliffeqarfiit tamanna aalajangersinnaanngilaat.
Sulisitsisuniilli innersuutigaarput Kim Kielsen kajumissaarutigisimasaattut Kalaallit Nunaata avataaniit tikittut tamarmik, ullut 14-nit mattusimagallassasut. Tassani qaammammusiallit akissarsiaqassapput.
Sulisitsisut kajumissaarutigaat sulisut coronavirusimik tuniluuffiungaatsiartuminngaanneersut imaluunniit allamik peqquteqartumiit angerlartinnissaa. Suleqatimi tunillannginnissaa anguneqassaaq, tamaallu isigalugu tuniluutsitsinnginnerussalluni.
Sulisorisaq tunillaassuutinnginnissaq pillugu angerlatiinnarneqarsimasoq peqqinnissaqarfimmiit kisimi aalajangersarneqarsinnaavoq qanoq iliussaneranik, soorlu mattusimagallartariaqarnersoq.
Oqartussanit piumasarineqarsimappat Sulisitsisuniit nalilerparput sulisitsisoq akissarsititsissasoq.
Oqartussaniit innersuussutaasimappat sulisullu tamanna malillugu, taava nalorninartuuneruvoq ilumut suliffeqarfiup akissarsiaqartitsineq akilissaneraa. Ajornartorsiulli uaniippoq sulisorisap innersuunneqartut akissarsiaqartussaannginnini peqqutigalugu malikkumanngikkunigit, ilimagaara suliffeqarfiit sulisut sinneri eqqarsaatigalugit suliartoqqusinnginnissaa. Taamaattoqarnerani sulisoq akissarsiaqassaaq.
Tunngaviusumik suliffeqarfik apereqqusaanngilaq sulisorisap suna peqqutigalugu napparsimalluni sulinngiffeqarnersoq. Sulisorli pisussaavoq suliffeqarfini ilisimatissallugu coronaviruserluni, imaluunniit pasitsaassaqarluni, peqqutigalugu nappaat tuniluuttuummat kingunerluutaalu ernumanaateqarmata.
Sulisorisaq mattusimagallarnissaminut innersuunneqarsimappat paasissutissat ilaatigut allattorneqarsinnaapput, soorlu sulisorisaq mattusimagallartariaqarluni napparsimalluniluunniit sulinngiffeqarpoq, iluamilli tunngavilersoqqittariaqarnagu.
Datatilsyni nalunaaruteqarnikuuvoq pissutsit aallaavigalugit suliffeqarfiit peqqissutsimut paasissutissanik nalunaarsuisinnaasut, soorlu sulisoq coronavirusimik tunillatsissimanera , aqutsisut suleqatillu sillimaniarnerit pisariaqartut aaliangersaavigisinnaanngorlugit.
Maluginiarneqassaarli paasissutissanik nalunaarsuineq piviusorsiortumik aammalu killeqartitsisumik allattorneqassammata. Nalilersortuaannarullu ilumut nalunaarsuineq ilumut pisariaqarnersoq imaluunniit siunertarineqartoq paasissutissanik ikinnerusunik nalunaarsorneqarsinnaanersoq.
Sulisoq innersuunneqarsimaguni mattusimagallassasoq imaluunniit coronavirusimik tunillatsiissimaguni paasissutissat qaatungiinnarnerusut ingerlateqqissinnaavasi, soorlu sulisoq angerlarsimaffimmini mattusimagallartariaqarpoq imaluunniit napparsimavoq, peqqutaasorli iluamik tunngavilersoqqinnagu.
Datatilsyni nalunaaruteqarnikuuvoq pissutsit aallaavigalugit suliffeqarfiit peqqissutsimut paasissutissanik nalunaarsuisinnaasut, soorlu sulisoq coronavirusimik tunillatsissimanera , aqutsisut suleqatillu sillimaniarnerit pisariaqartut aaliangersaavigisinnaanngorlugit.
Maluginiarneqassaarli paasissutissanik nalunaarsuineq piviusorsiortumik aammalu killeqartitsisumik allattorneqassammata. Nalilersortuaannarullu ilumut nalunaarsuineq ilumut pisariaqarnersoq imaluunniit siunertarineqartoq paasissutissanik ikinnerusunik nalunaarsorneqarsinnaanersoq.
Sulisoq napparsimasutut pineqassaaq. Nakorsamiik uppernarsaammik aallersinnaavusi soorlu napparsimanerni naliginnaasuni.
Sulisoq suliartorsimappat angerlartinneqarsinnaavoq peqqissinissami tungaanut. Sulisitsisoq suliartortoq tigussanngilaa, pineqartoq tunillatsissimasuuppat.
Aqutsinerup malitsigaa suliffeqarfiup aalajangersarsinnaallugu kina sulissanersoq angerlartinneqassanersorluunniit, oqartussanit peqqussuteqartoqarsimanngippat sulisut mattusimagallartinneqassasut - ilanngullugu Kim Kielsen nalunaarutaa, inuit Kalaallit Nunaata avataaniit tikittunut.
Suliffeqarfik assigiinngitsunik peqquteqarluni aalajangersinnaavoq sulisoq suliartortariaqarneranik soorlu sulisoq immikkorluinnaq suliaqarmat imaluunniit avinngarusimalluni suliaqarmat.
Sulisoq uppernarsaasersorsinnaappagu peqqinnissaqarfiup tungaaniit maleruaqqusat malillugit angerlarsimagallarusulluni kissaateqarnerpat, Sulisitsisut kajumissaarutigaat oqartussat innersuussutaat maleqqqissaarneqarnissaanik.
Suliffeqarfiup pisumi tassani angerlatikkuniuk akissarsiaqartinneqassaaq pisiniaappallu angerlarsimaffimminiit sulisinneqassalluni.
Suliffeqarfiup piumasarissappagut sulisup suliartornissaa taamaattorli pineqartup tamanna piumasarinagu, atorfinitsinneqarneq naapertorlugu pineqartumut kingunerluuteqarsinnaavoq. Taamatut pisoqarnerani kaammattorpassi Sulisitsisut saaffiginissai.
Sulisup kissaatini angerlarsimarusulluni kissaataa malillugu oqartussanit nalunaarutigineqarsimanngippat pisussaaffeqarpoq suliartussalluni. Taamaattumillu atorfinitsinneqarnerup isumaqatigiissutaa pillugu pineqartumut kingunerluuteqarsinnaavoq, ilaatigut soraarsitaanikku, suliartorsimanngikkuni.
Oqartussat maanna tikillugu mattusimasariaqavinnermut inatsisiliornikuunngillat ullorli manna tikillugu naaperiaanikkut nammineq kajumissutsimik mattusimagallartariaqarneq innersuussutigisarsimallunikku.
Suliffeqarfiit eqqugaasimasoq amerlanersaartaat oqartussanit innersuussutigineqarsimasut malinneqarsimapput, sulisorisanik angerlarsimatitsiinnarnissamut, sulisorisallu piffissaliunneqartuni angerlarsimagallarnerini akissarsiaqartittarsimallunikkit.
Pisumi tassani pisussaaffeqarpoq sulisoq akissarsiaqartinnissaa, angerlarsimaffimminiit sulisinnaanerup periarfissaatillugu.
Inissisimaffik ajornerulissagaluarpat sulisorisat ima amerlatigisut nammineq kajumissutsimik imaluunniit oqartussanit mattusimagallartinneqassallutik, aningaasaqarnikkut kingunissat annertungaatsiassapput.
Akissarsianut ikiorsiissutit uani TAKUKKIT
Sulisoq nammineerluni mattusimagallartissinnaanngilaq, suliffimminiillu tunngavilersuutit piviusorsiortunik peqarani peqannginnissaq inerteqqutaavoq. Tunngavilersuutitaqanngitsumik ernumaneq piviusorsiortumik tunngavilersornerunngilaq.
Nakorsap oqartussalluunniit nalilersimappassuk pinngitsaaliissummik mattusimagallassasoq taava suliartunnginnissamut piviusorsiortumik tunngavilersorneruvoq.
Sulisoq allat peqqutigalugit suliartorsimanngippat, atorfinitsitsinikkut isumaqatigiissutinut kingunerluuteqarsinnaavoq, ilaatigut soraarsitaanermik. Sulisitsisut pisoqartillugu siunnersortinnissannut attavigikkit.
Sulisoq pingaartitsineq aallaavigalugu sulinini unitsinnissaa kissaatigisimappagu inuunermik aatsaat naleqalerpat imaluunniit peqqissutsikkut ulorianartorsiornikkut tamanna pissaaq.
Suliffeqarfik pissutsit taamaattut nalaassimappagit nakorsamut peqqinnissaqarfimmulluunniit siunnersortinnissamik ilitsersuunneqarnissamillu attaviginnissaaq, sulisoq ilumut immikkut pisariaqartitsinersoq taamaappallu immikkut iliuusissat aallarnisarneqarlutik.
Sulisorisap inuunera navianartorsiorpat imaluunniit peqqissutsimikkut ulorianartorsiorpat immikkut ersarissumik nalilersorneqassaaq taamaattoqarpallu Sulisitsisut attavigissavasi.
Sulisoq pisussaaffeqarpoq piffissaq isumaqatigiissutigineqartoq eqqorlugu suliffimminut ornigutissalluni. Sulisoq immineq akisussaaffigaa allatigut suliartornissani. Sulisoq ulloq taanna suliartorsimanngikkuni ulloq taanna akissarsissutiginavianngilaa.
Sulisoq sumut angalaniarnermini nammineq nalilersortussaavaa, una tunngavittut atoruk (qallunaatut) Udenrigsministeriets rejsevejledninger.
Sulisup udenrigsministeriap innersuussutai malinnagit angalasimaguni namminerisamik nappaalanertut nalilerneqassaaq, ilaatigut angalanermini coronavirusimik tunillatsissimaguni.
Tamanna napparsimalluni sulinngiffeqarnermi akissarsiaqarnermut aammalu napparsimanermi ullormusiaqarnermut sunniuteqassaaq.
Sulisitsisup angalanissap unitsiinnarnissaanik naalakkiissanngilaq taamaasillusi angalanissaraluamut aningaasartuutit matussusertussanngorsinnaagassigit.
Sulisoq udenrigsministeriap piffiit ernumasaarutaanut angalasimaguni utereernerup kingorna innersuussutigineqartuni ullut 14-nini angerlarsimagallarnissaa piumasarisinnaavarsi, suliffeqarfimmi tuniluunneq ingalassimaniarlugu.
Sulisoq aperissagaluarpat qulaani eqqaaneqartumut angalasinnaanerluni imaluunniit ilissi ilisimalersimagussiuk tassunga angalaniartoq taava ilisimateqqissaassavarsi sulinngiffeqartussanngornermini akissarsiaqarsinnaatitaanini annaassagaa.
Tamanna atuutissaaq sulisoq kajumissaarutersi malinnagu piffiit angalaffiginiagai Udenrigsministeriap angalanernut ilitsersuutaani aappaluttuuppata orange-pataluunniit aammalu suliffeqarfiup aalajangersimappagu angalareernermi ullut 14-nit angerlarsimagallartariaqarnissaq suliffimmi tuniluutinnginnissaq pillugu. Sulisitsisut nalilerpaat sulisoq ulluni taakkunani sulinngiffeqarnerani akissarsiaqarsinnaannginnera aalajangersinnaagissi.
Sulisoq ulluni 14-nini akissarsiaqartussaajunnaarpat piffissami tassani suliffeqarfimmut tamakkiisumik imaluunniit ilaannakortumik suliaqassanngilaq.
Sulisoq Udenrigsministeriap angalanissamut ilitsersuutaanni aappaluttuusunut angalasimappat suliffeqarfiup ersarissumik inissisimaffimmik naliliinermigut sapaatit akunnerisa marluk iluanni unioqqutitsilluni peqanngissimanertut taakkartorneqarsinnaavoq, soraarsitsinermut soraarniuteqartitsinermilluunniit kinguneqarsinnaasumik.
Tamanna ersarissaassutigisinnaavarsi sulisoq Udenrigsministeriap angalanernut ilitsersuutaani piffiit aappaluttuusunut angalanissaminik ilisimatippasi.
Sulisoq pisunut taakkununnga atorfinitsitsinermut isumaqatigiissutinut kinguneqartinneqarnissaanut aallartitsissagaluarussi Sulisitsisut attavigisiuk.
Sulisoq nammineq peqquteqartumik angalasimappat soorlu feeriarnerit, suliffeqarfimmut attuumassuteqanngitsut, taava nammineq kingunissat ilisimaaralugit angalassaaq.
Taamaattumik sulisoq piffissarititaasumiit sivisunerusumik sulinngiffeqarnerani akissarsiaqartinneqassanngilaq, piffimmi tassani peqqinnissaqarfimmi oqartussat aalajangersimappassuk coronavirus peqqutigalugu angerlarsinnaatitaajunnaarunik, imaanngippat suliffeqarfik isumaqatigiissusiorfigisimallugu piffissarititaasumiit sivisunerusumik sulinngiffeqassagaluaruni akuerineqarnissaa taamatuttaarlu akissarsiaqarnissaa akuerineqarluni. Taakku avataasigut soorunami aamma periarfissaavoq sulinngiffeqarnerup sivitsornissaata imaluunniit qaangiuttoornermut taarsiullugu sulinngiffeqarnissamut isumaqatigiissusiornissaq.
Piffissarititaasup avataasigut sulinngiffeqarneq Kim Kielsen kajumissaarineratuut Kalaallit Nunaannut utereernerup kingorna mattusimagallarnermik peqquteqartumik sivitsussagaluarpat qaammammusiallit akissarsiaqassapput tiimermusiallillu ullormusiaqassallutik. Sulisitsisut innersuussutigaat Kim Kielsen innersuussutaa atorneqassasoq.
Sulisoq nunatta avataani napparsimalissagaluarpat naliginnaasuussaaq napparsimalluni sulinngiffeqarneq. Inissisimanermut tassunga maleruagassat naliginnaasut napparsimalluni sulinngiffeqarnermut atuutissapput.
Sulisoq nunatta avataani suliffeqarfik aqqutigalugu angalanermini nunanit allaniit oqartussanit angerlarnissaa periarfissaassanngitsoq piumasarineqarsinnaavoq, soorlu mattusimagallarnikkut.
Suliffeqarfik sulisuminut akisussaasuuvoq sulinermi aqqutigalugu angalasimaguni, imaluunniit suliffeqarfik aalajangersimaguni suliffik naliginnaasoq avataani suliartortitsiniaruni.
Sulisoq suliffini aqqutigalugu angalanermini unittuussagaluaruni suliffeqarfik pisariaqartumik uninnganerani akissarsiaqartitsissaaq. Suliffeqarfiullu sulisorisap uninnganerani aningaasartuutai killissaq tikillugu matussusertariaqarpai.
Sulisoq suliffini aqqutigalugu anglanermini napparsimalissagaluarpat imaluunniit nappaalanermut ilimatsaassisoqassagaluarpat taamaatumillu angerlarsinnaagani taava napparsimasutut isigineqassaaq.
Sulisitsisut innersuussutigaat Naalakkersuisut aammalu Udenrigsministeriets vejledninger angalanerit pillugit innersuussutaat malissagisi sulisunik angalatitsinissassinnik pilersaarusiornissinni.
Taamaattumik innersuussutigineqarsinnaanngilaq sulisusi nunanut/piffinnut angalatissagisi Udenrigsministeriap angalanissamut innersuussutiginngisaanut.
Tamanna pineqartillugu eqqummaariffigissavarsi sulisut suliffik aqqutigalugu angalanisasq naaggaarsinnaammassuk, inuunerup peqqinnissamulluunniit ernumanaateqartoqarpat.
Taamaattumik sulisup Udenrigsministeriap coronavirus tuniluunneratigut piffiit ernumasaarutaannut angalatinniarneqarnermini naaggaarpat pissusissamisoortuuvoq.
Suliffeqarfiup aalajangersinnaavaa sulisup siusinaartumik kalerriutitaqanngitsumik sulinngiffeqartinnissaa.
Naliginnaasumik sulinngiffeqarneq sapaatit akunneri pingasuusunut aallartinnginnerini nalunaareerfissaq qaammatit pingasuupput sulinngiffeqarnissallu naggataajusut aallartinnginnerani nalunaareerfissaq qaammat ataasiulluni. Nalunaareerfissalli avaqqunneqarsinnaapput suliffeqarfiup ingerlannerata pisariaqartilluinnarpagu, ilanngullugu: Sulinngiffeqarnermut Inatsi § 9 imm. 2.
^Pisut immikkuullarissut ulluinnarni ingerlatsinermut tunngassutilinnut kisikkuminaatsuupput. Eqqaanarpoq kisiannili assiginagu, force majeure.
Assersuutigalugu sulisoq tassanngaannartumik aatsitassanik amigaateqartoqartillugu immaqaluunniit ulluinnarni ingerlatsinermi equsoortoqartillugu sulinngiffeqartinneqarsinnaavoq, suliffeqarfimmut naliginnaasumik niuernikkut ingerlasumut siusissukkut takuneqareersimasussaagaluamut.
Inissisimaffimmi suliffeqarfiup ingerlanneqarnerani coronavirus pillugu pakasarneqarnermi, Sulisitsisut nalilerpaat, tamanna tunngavigalugu sulisut siusinaartumik nalunaarfiginngikkaluarlugit sulinngiffeqarnissaanik kalerrinneqarsinnaaneri.
Aaliangersagaq sulisunut ataasiakkaanut atorneqarsinnaallunilu immikkoortortanut tamakkiisunut atorneqarsinnaavoq.
Sulinngiffeqartitsinerup avataasigut ilassutitulluunniit suliffeqarfiup ilimasaarutigisinnaavaa qaangiuttoornermut taarsiullugu sulinngiffeqarnissamut katersat atornissaat, isumaqatigiissutaasimasut malillugit periarfissaappat immaqaluunniit namminerisamik isumaqatigiissummi periarfissaappat.
Sulisitsisut nalilerpaat ersarissumik tunngavilersukkamik coronavirusimik tunillatsissimasumik ilimatsaassaqarneq suliffeqarfik piginnaatitsissuteqassasoq piumassallugu sulisoq ilimasaarutitaqanngitsumik qaangiuttoornermut taarsiullugu sulinngiffeqassasoq, tamannali apeqqut tamakkiisumik inissinneqanngilaq.
Sulinngiffeqarnerit immaqaluunniit / aammalu qaangiuttoornernut taarsiullugu sulinngiffeqarnerit pillugit ilimasaaruteqarnernut tunngasunut Sulisitsisunut siunnersortinnissannut attavigikkit.
Naamik, sulinngiffeqarnissaq inissereersimappat suliffeqarfimmiit ilimasaarutigineqareersimasutut imaluunniit sulisoq suliffeqarfillu isumaqatigiissusiornerisigut, sulisoq nammineerluni sulinngiffeqarnissaq unitsiinnarsinnaanngilaa.
Soraarsitsineq
Kaaviiaartitsinerup appariarnera aammalu assigisaanik pisoqartillugu sulisoq soraarsittariaqarneranik kinguneqarsinnaavoq.
Sulisitsisut isumaqatigiissutaani periarfissaavoq soraarsitsinermi ilimasaaruteqarnissaq atorunnaarsinneqarsinnaasoq aaliangersimasuni force majeure pinerisigut immaqaluunniit assingusuni. Inissisimaffik tunisassiornermi sumilluunniit ingerlataqarsinnaannginnermi mattusimagallarnerit/coronamik tunillatsissimanerit peqqutigalugit force majeure atuutissaaq.
Siunnersorneqaqqikkusukkuit Sulisitsisut attavigikkit
Angerlartitsiinnarneq
Force majeure eqqartorneqartillugu sulisunik angerlatitsiinnarsinnaavusi. Angerlartitsiinnarneq atorfinitsitsinermut utaqqiisaagallartumik atorunnaarsitsineruvoq, tunngaviusumik akissarsiaqartitsigani, taamaattorli suliffeqarfik akissarsiatigut tapiissutinik pisimanngippat, uani TAKUKKIT
Atorfillit
Inatsisitigut ingerlatseriaatsikkullu periarfissaanngilaq suliffeqarfiup atorfilinnut force majeure-mik pisoqartillugu angerlatitsiinnarnermi akissarsiaqartitsinnginnissamik aalajangersaanissaq.
Taamaattumik nalorninartoqarpoq coronavirus peqqutigalugu tunisassiornikkut unittoornermi suliffeqarfiup atorfilittaanut akissarsianik unitsitsisinnaaneq.
Atorfilik inissisimaffik suugaluarpalluunniit angerlatiinnarneqarnermigut soraarsinneqartutut tigusinnaavaa, taamaattumillu ilaatigut atorfinitsitsinermi piumasaqaatitigut kingunerluuteqarsinnaammata.
Siunnersorneqaqqikkusukkuit Sulisitsisut attavigikkit
Atorfilliunngitsut
Sulisut tiimermusiallit taamaallaat piffissaq suliffigisartik akissarsiffigisussaavaat. Taamaattumik tunngaviusumik tiimermusiallit force majeure-qartillugu sulisut angerlatiinnarneqarsinnaapput, imaanngitsorli suliffeqarfik akissarsiatigut ikiorsiissutiniit tapiissutinik pisarsimaguni, uani TAKUKKIT
Sulinngiffeqarneq imaluunniit qaangiuttoornermut taarsiullugu sulinngiffeqarnerit
Angerlartitsiinnarnermiit suliffeqarfiup sulinngiffeqartitsinissani imaluunniit qaangiuttoornermut taarsiullugu sulinngiffeqartitsinernut ilimasaaruteqarsinnaavoq.
Sulisitsisut nalilerpaat suliffeqarfik angerlartitsiinnarnissaminut periarfissalik sulisuminik piumasaqarsinnaasoq sulinngiffeqarnissaq imaluunniit qaangiuttoornermut taarsiullugu sulinngiffeqarnissaq ilimasaarutigeqqaarnagu piumasarisinnaagaa.
Naamik, sulisitsisoq taamaasiortussaatitaanngilaq.
Sulisitsisut nalilerpaat kissarnersiuineq uppernarsaammik immaqaluunniit sulisoq coronavirusimik tunillatsissimaneranik takussutissaanngitsoq, taamaattumillu kissarnersiuinissamik piumasaqaateqarneq kiffaanngissuseqarnermut attuisoq, periarfissaanngilaq inerteqqutaallunilu.
Suliffeqarfiup sulisuni suliffeqarfimmut oqarasuaatikkut kalerriinissaa kaammattuutigiinnarsinnaavaa, kissarneqarunik immaqaluunniit napparsimasutut misigigunik. Suliffeqarfiup taamaasinikkut aalajangersinnaavaa sulisoq angerlarsimaannassanersoq.
Sulisoq suliartoruni sulisitsisorlu ilimatsaassaqarluni sulisoq kissarneqartoq takussutissaqarlunilu coronavirusimik tunillatsissimanermik, taava sulisitsisoq sulisoq angerlartissinnaavaa. Taamaattoqassappat sulisoq akissarsiaqassaaq.
Oqartussat pinngitsaaliissummik sulisoq mattusimasariaqartilerunikku sulisoq suliartornissaminut periarfissaarutissaaq.
Kalaallit Nunaanni aammalu Qallunaat Nunaanni oqartussat suli innuttaasunut pinngitsaaliissummik mattusimasariaqartitsinngillat.
Angerlartitsiinnarnermi mattusimasariaqarnermilu allat maleruagassaat assigalugit inissisimassapput.
Ilinniartut mattusimasariaqarnermi napparsimanerminnilu akissarsiaqassapput, qanorluunniit sivisutigissagaluarpat.
Ilinniartitaanerat eqqarsaatigalugu mattusimasariaqarneq naparsimanerluunniit piffissaq ima sivisutigisinnaavoq allaat nalilertariaqarlugu piffissaliussap iluani ilinniartup ilikkagassaagaluani ilikkarsinnaanagit.
Taamatut pisoqarnerani ilinniakkap sivitsornissaa oqaloqatigiissutigineqarsinnaavoq.
Ilinniartitaanermut naalakkersuisoqarfimmiit ilisimatitsissut:
Ilinniartitaanermut naalakkersuisoqarfik ilinniartut ilinniartuutigineqartullu Covid-19 inissisimanera eqqarsaatigalugu akissarsiaanut tunngatillugu ima paasissutissiivoq.
- Ilinniartoq/ilinniartuuteq piffissap taassuma ingerlanerani naliginnaasumik praktikkerfimminiissinnaanngippat ilinniartoq/ilinniartuuteq praktikkerfimminiit akissarsiaqartinnagu angerlartiinnarneqarsinnanngilaq.
- Angerlatitsiinnarnermi praktikkernertuut naliginnaasutut akissarsiaqartinneqassaaq.
- Mattusimasariaqartitsinermi imaluunniit mattusimalluinnartariaqarnermi praktikkernertut akissarsiaqaannassaaq.
- Suliffeqarfiit namminersortunut ilinniartuuteqarneq/ilinniartoqarneq piffissami sulinngiffeqartitsisinnaaneq atuuppoq - aammattaaq periarfissassaaq ilinniartut/ilinniartuutigineqartut feriepenge/godtgørelse-qanngippata piffissap taasumap iluani isertitaqannginnissaat. Imatut pisoqarpat ilinniartoq/ilinniartuutigisaq feriepenge/godtgørelse-nik katersisimanani taava § 12 imm.1 nr. 3 Ilinniagaqarnermusiat pillugit Nalunaarusiaq pissutsit pillugit atuussinnaavoq, tamatumani ilinniartoq/ilinniartuutigineqartoq piffissami pineqartumi stipendie-mik pissarsisinnaassooq.
- Ilinniartoq/Ilinniartuutigineqartoq angallannermut killilersuutit peqqutigalugit praktikkerfimminut apuussinnaanngippat taava ilinniartoq/ilinniartuutigineqartoq ilinniarnermi nunagisaq inuusuttut inissiaaniiginnassaaq, pineqartoq naliginnaasumik ilinniarnermi nunagisamiillunilu inuusuttut inissiaani najugaqarsimaguni.
- Ilinniartoq/ilinniartuuteq inuusuttut inissiaanni inigisani akilissavaa. Ilinniartoq/ilinniartuutigisaq taamatut pisoqarnerani inigisamut akiliutit marlunngussagaluarpata, Ilinniagaqarnersiutit pillugit Namminersorlutik Oqartussat Nalunaarutaanni § 32 aqqutigalugu matussuserneqassapput (tassa pineqartoq Kalaallit Nunaanni inuusuttut inissiaataanni akiliisarnerup nalinganik takiissutinik pissarsissaaq).
- Ilinniartoq/ilinniartuutigisaq praktikkerfimminut apuussinnaanngitsoq taamatullu praktikkerfigisaminit akissarsisinnaanngitsoq stipendie-mik pissarsisinnaavoq Ilinniagaqarnersiutit pillugit Nalunaarummi § 12 imm.1 nr.3 aqqutigalugu, imaanngippat pissutsit ikiorsiissutit aqqutigalugit aaqqiissuteqartoqarpat.
Nunatta avataaniit tikisitamik sulisoqarsimaguit suliunnaarsinniakkannik, taava COVID-19 pillugu inissisimaneq aallaavigalugu sulisutit nalunaarfigisinnaavatit suliffeqarfimmi allami atorfinitsinneqarnissaq ujartorsinnaagaat. Akuersissummik kommuunimiit piniartoqassaaq qinnuteqaat SIRI-mut nassiutinnginnerani. SIRI neriorsuuteqarnikuuvoq piffissap sivikitsup iluani suliarisarniarlugit.
Qinnuteqaatit SIRI-mut mail aqqutigalugu nassiunneqassapput fo_gl@siri.dk (attaveqaatinut tunngavissaq ajorpat) immaqaluunniit attaveqaatinut tunngavissaq iserfiisaq una AQQUTIGALUGU
Læs skrivelsen fra Selvstyret her.DanskDownloadKalaallisutDownload
Sulisoq qaammat martsimi sulinngiffeqarfiit ullut qassit tigussavai?
Sulisoq angerlartiinarsimasoq akissarsiatigut matussusertinneqarsimasoq qaammat martsimi ullut sulinngiffeqarfissat tigussavai.
Apriilimi ullut sulinngiffeqarfiusut tallimat
Majimi ullut sulinngiffeqarfiusut tallimat
Junimi ullut sulinngiffeqarfiusut tallimat
Ataavartunik akiliutaasartunut inuussutissarsiortunut ikiorsiissutinut matussuserneqartanngitsunut erniartaqanngitsunik atornissaq periarfissaava?
Aap, ataavartunut akiliutaasartunut erniartaqanngitsunik atornissaq periarfissaavoq, inuussutissarsiortunut ikiorsiissutinut matussuserneqartanngitsunut. Tapiissutit aammalu erniartaqanngitsunik atornerit 1.000.000kr. qaammammut qaangeqqusaanngilai.
Assersuut:
Suliffeqarfik 500.000kr.-nik ataavartumik aningaasartuuteqartut taamaattumillu ataavartumik aningaasartuutimi 80%-iisa tapiissutitigut matussusertissinnaasut 400.000kr.-nik tapiiffigineqassapput. Suliffeqarfillu taanna 100.000kr.-nik erniaqanngitsunik attartorsinnaavoq, ataavartumik aningaasartuutinut tapiissutimiit matussuserneqarsinnaanngitsunut.
Suliffeqarfiit 2019-mut kaaviaartitaqarsimanngitsut unitsitsiinnarnernut kisimi matussusiinissaminnut tapiiffigineqassapput. Utertoornerit qaammatikkaartumik kisinneqassapput, suliffeqarfinnulli ataasiakkaanut annerpaamik qaammatini pingasunut. Kaaviaartitassaraluit 75%-iisa uppernarsaatitaqartunut matussusiisussaavoq, taamaattorli annerpaamik 23.999kr./qaammammut imaluunniit 46.000kr./qaammammut aapparisamik atorfinitsitaqarnermik.
Ikiorsiissutit uani ATUAKKIT
Suliffeqarfik sulisorlu utaqqiisaagallartumik isumaqatigiissusiorsinnaapput sulisup akissarsiai appassasut, taamaattorli isumaqatigiissuteqarnikkut akissarsiaqartunuunngitsoq. Sulisut ataasiakkaarlugit isumaqatigiissusiortoqassaaq.
EQQAAMAJUK isumaqatigiissusiortoqarsimanani akissarsianik appaaginnartoqaqqusaanngilaq.
Isumaqatigiissut taamaattoq sulisunut angerlartitaasimasunut akissarsiarisassanik utertoorsinnaatitaaneq sunnernavianngilaa.
Sulisut piffissap affaannaani suliaqartunut aningaasarsiassanik utertoortitsisoqarsinnaavoq.
Tamanna atussaaq piffissap affaannaasimappat.
Qaammammut ullut sulinngiffiusut 2,5 atortassavaat.
Ilaannakortumik sulisunut soorlu sapaatip akunneranut 10 tiimit sulisartunut 30 tiimillu angerlarsimatinneqartartunut aningaasarsiassanik utertoortitsisoqarsinnanngilaq.
Aalajangersagaq atuuppoq angerlartitsiinnarnermi ukiumut suliarisinnaasamut nalunaarsornagu kisiannili piffissaq tamakkerlugu sulisorisat ataasiakkaarlugit angerlartitat kisinnerisigut. Nassuiaat nutaaq maanna ima allaqqavoq:
"Akissarsiassanik utertoornissami piffissarititaasumi angerlartsiinnarneq minnerpaamik qinnuteqartut sulisuisa 30%-ii pineqassapput imaluunniit ikinnerpaamik sulisut 25-it. Sulisut amerlassusaannik nalunaarsuinermi suliffeqarfiup piffissaq tamakkerlugu sulisorisami amerlassusai atussavai. Aaqqiissut piffissalersukkani sulisorisanut atunngilaq."
Aalajangersagaq ima ersarissagaavoq piumasaqaatit allaqqaqqissaarlutik, suliffeqarfik CVR aqqutigalugu allattorsimassaaq sulisorineqartullu utertoornissamik qinnuteqaassunneqartut inuit allattorsimaffiisa nalunaarsorfianni allaqqassapput aammalu Kalaallit Nunaat suliffigalugu nalunaarsorsimassallutik.
Nassuiaat nutaaq maanna ima allaqqavoq:
"Sulisoq suliffeqarfimmi (CVR) 19. marts 2020 sioqqulluguli sulisorineqarsimassaaq, aammalu 19. marts 2020-miilli unitsitsiinnarnani suliffeqarfimmi sulisuusimassalluni. Atorfinitsinneqarnermut pissutsit ullut marlunniit sivisunerusimassapput. Atorfinitsitsineq Kalaallit Nunaanni piffissaq tamaat sulisutut nalunaarsorsimassaaq, sulisorlu Kalaallit Nunaanni inuit najugaasa nalunaarsuisarfiani allaqqassalluni."
Akissarsiassanik utertoortarneq 1.000.000 kr. qaammammut suliffeqarfiup inuussutissarsiortut ikiorsiissutaanni annerpaaq pineqarsinnaasumi ilaassanersoq apeqqummiitsinneqarnikuuvoq.
Taamaanngilaq, akissarsiassanik utertoorneq kisitsinernut ilaanngilaq.
Ersarissarneqarnikuuvoq qaammatini pingasuni kisimi ikiorsiivigineqarsinnaaneq/tapiissutisisinnaaneq. Suliffeqarfiit taava qaammatit sisamat ingerlaneranni sorlermi piniarnerlugit piffissap una ingerlanerani 1. marts-miit 30. juni tikillugu.
Nassuiaat nutaaq maanna ima allaqqavoq:
"Inuussutissarsiortunut ikiorsiissutit aningaasatigut utertoorutinik aaqqiissunnik imaqarpoq aammalu suliffeqarfinnut atukkiisinnaanerit piffissaliunneqarsimasumi 1. marts 2020-miit 30. juni 2020 tikillugu. Ikiorsiissut qinnutigineqassaaq, kisinneqassaaq taavalu tunniunneqarluni ullorsiutini qaammatikkaartumik 1. marts 2020-miit qinnutigineqarsinnaalluni. Suliffeqarfimmulli ataatsimut qaammatini pingasuni kisimi ikiorsiissutinik tunniussisoqarsinnaavoq, qaammatini sisamaasut iluanni."
Aningaasartuutit ataavartunut matussuserneqarsimanngitsunut erniartaqanngitsunik atortoqarsinnaavoq, aammattaaq ulluinnarni ingerlatsinermi aningaasartuutinut soorlu pisianut allanullu, qaammatini taakkunani akilerneqareersimasussani. Suliffeqarfik aningaaserivimminiit atukkerneqarnissaminut akuerineqarsimanngikkuni.
A-skat kinguartiinnarneri A-skat-it qaammat martsimi akiligassaasunut atuuppoq. Akileraarutitigut kinguartitsiinnarnissamut akuerisaasunut, taamaattorli A-skat aammalu Sulisoqarnermut akitsuutimik akiliisimasunut kingumut akiliutigisimasat utertinnissaanut qinnuteqarsinnaavusi.
Ataani CVR normut allaqqasut ilaapput:
Pingaarnertut gruppit 45-47 Engroshandel aammalu detailhandel: Motooritalinnik angallatit aammalu motorcykkelinut iluarsartuussinerit
55-56 Akunnittarfiutillit aammalu Neriniartarfiutillit
90-93 Kultur, nuannaarniutinut aammalu timersorneq
50.10.00 Tatsikkut aammalu sinersornikkut ilaasoqarluni angallassinerit
49.39.20 Takornarialerinikkut angallassinerit aammalu nunakkut angallassinerit assigiinngitsut
79. Takornarialerisut anglatitsiviillu suliffeqarfii, inniminniinikkut sullissinerit aammalu pineqartunut sullissinerit allat
51. Silaannakkut angallanneq
Apeqqutiteqarniaruit uunga attaveqarit Lars Krogsgaard-Jensen lars@ga.gl
