Ullormusiat unnuamilu tapit 1. oktober 2025-miit
Dagpenge og nattillæg under tjenesterejser og udstationering til og i Grønland ( I.h.t. aftale af 11. marts 1986 Nal. 4-1-24)
| § | Allassimaffik | Tamakkiisumik |
| §4 stk 1 | Angalanermi ullormut unnumullu ataatsimut akeqanngitsumik nerisaqarnermi ajunngitsorsiat | 160,06 |
| §5 stk 1 | Ulloq unnuamullu ataatsimut affarmut tamakkiisumik ullormusiat | 291,45 |
| §7 stk 1 | Tamatumunnga unnuakkut tapisiat. Ineqarneq ullaakkorsiornerit akiligassanngorlugit ilanngunnagit, annertunerpaamilli | 893,34 |
| §7 stk 3 | §7 imm. 1-imit annikillisitsineq, ullaakkorsiorneq ilaatillugu | 87,42 |
| §8 stk 1 | Aalajangersimasumik unnuakkut tapisiat | 225,75 |
| §1 stk 4 | 1/1-06-miit Danmarkimi aalajangersimasumik unnuakkut tapisiat | 255,00 |
| §10 stk 1 | Ulloq unnuamullu ataatsimut ullormusiat annikillisat | 388,60 |
| §10 stk 1 | Matumunnga unnuakkut tapisiat | 150,49 |
| §1 stk 4 | Nattillæg hertil i DK | 192,00 |
| §16 stk 1 | Qaammatisiuteqarfiusumi ukiumi siullermi atortulersornermut ajunngitsorsiat | 9.029,88 |
| Ukiut qaammatisiuteqarfiusut tulliuttut | 5.293,38 |
Ilitsersuut
Sulisitsisup sulisuni illoqarfimmi suliffigisami avataanut suliartortikkuniuk, tjenestemanditut sulisunut maleruagassat naapertorlugit suliartorneranut tunngatillugu tapertaqartitsisussaavoq. Taakkununnga tunngasut ukiumut marloriarluni nalimmassarneqartuartarput, tassa aprilip aallaqqaataani aammalu oktoberip aallaqqaataani.
Atorfimmini suliaqarluni angalanerit aammalu illoqarfigisaq qimallugu suliartortitaagallarnerit/-inissinneqarallarnerit immikkoortinneqartarput. Suliartortitaagallarnerit/-inissinneqarallarnerit, taakkuupput atorfimmut atatillugu piffimmi ataatsimi angalanerit ulluni 28-init sivisunerusut. Minnerpaamik ulluni 14-inini piffimmi ataatsimiilluni angalanerit aammalu igasinnaanissamik periarfissiisut, suliartortitaagallarnertut/-inissinneqarallarnertut taaneqassapput. Taakkua avataaniittut taakkuupput atorfimmut atatillugu suliaqarluni angalanerit. Atorfimmut suliaqarluni angalanernut makkua atuupput:
§ 4 stk. 1 naapertorlugu sulisitsisup nerisaqarneq ineqarnerlu aningaasartuutigissappagit ”Ølpenge”-nik taaneqartartut tunniunneqassapput.
§ 5, stk. 1 naapertorlugu sulisitsisup nerisaqarneq ineqarnerlu aningaasartuutiginngippagit suliartortitamut ullormusiassat tunniunneqartassapput.
§ 8, stk. 1 naapertorlugu – suliartortitaasoq angalatillugu sulisitsisup ineqarneq assigisaalu aningaasartutiginngippagit, taamatullu suliartortup nammineq ineqarnini nerisaqarnini il.il., nammineq isumagippagit aningaasartuutigalugillu, sulisitsisoq pisussaavoq immineq unnuiffissaqarsimaneranut tapertaasussanik suliartortitani isumagissallugu.
§ 5, stk. 1 ullormusianut tunngasoq aamma § 8, stk. 1 – immineq unnuiffissaqarnermut tapit sulisitsisumit tunniunneqartassapput – sulisitsisup suliartortitami nerisaqarnera aammalu ineqarnera aningaasartuugitinngippagu.
Suliartortitaq pisinnaatitaaffeqartuarpoq inigigallagassaminik piumasaqarnissaminut,. Suliartortitaagallarnerni/-inissinneqarallarnerni uku atuupput:
Sulisitsisoq nerisaqarnermut ineqarnermullu aningaasartuuteqarpat, ”Ølpenge”-nik taaneqartut suliffigilerallakkamiinnerup nalaani tunniunneqarneq ajorput – tamannali pisinnaavoq taamaallaat ulluni angalaffiusuni.
Sulisitsisoq nerisaqarnermut akiliineq ajorpat, § 5, stk. 1 naapertorlugu ulluni 28-ini siullerni ullormusiaqartitsissaaq, suliartortorli naleqquttumik igaffeqartinneqarsimappat ullut 14-iniinnaat tamanna atuutsinneqassaaq. Qulaani taaneqartut kingorna § 10, stk. 1 – naapertorlugu ullormusiat annikillilikkat tunniunneqartassapput.
§ 8, stk. 1 naapertorlugu, sulisup ilaquttani assigisaannilu najuqarnissani isumagippagu, tamannalu sulisup nammineq aningaasartuutigippagu, sulisitsuusoq immineq unnuiffisaqarnermut tapinik tamakkiisunik tunniussissaaq, tamanna annerpaaffissalerneqassaaq unnuanut siullernut 27-inut, unnuillu 13-it siulliit kisimik aningaasaliiffigineqassapput iggavissamik naleqquttumik periarfissaqartinneqarsimappat. Tamassuma kingorna imminut unnuiffissaqarnermut tapit annikillilikkat tunniunneqartassapput, § 10, stk. 1-imi allaqqasut naapertorlugit.
Sulisitsisoq nerisaqarnermut imaluunniit ineqarnermut tapiineq ajorsimappat, sulisoq § 5, stk. 1 naapertorlugu ullut 28-it siulliit tamakkiisumik ullormusiaqartinneqassaaq aammalu § 8, stk. 1 naapertorlugu ullut 27-it siulliit immineq unnuiffissaqarnermut tapinik pisartussaalluni. Ullut taakkua taakkartorneqartut kingorna § 10, stk. 1 naapertorlugu ullormusiat aammalu immineq unnuiffisaqarnermut tapit annikillisat tunniunneqartassapput.
Suliartortitaq pisinnaatitaaffeqartuarpoq inigigallagassaminik piumasaqarnissaminut.
Suliffimmut atatillugu angalanernut aammalu suliartortitaagallarnernut/-inissinneqarallarnermullu Danskit Naalagaaffiata avataani akigititat.
Tassani Sulisoqarnermut aqutsisoqarfimmi, Danskit Naalagaaffiata Aningaasaqarnermut Naalakkersuisoqarfiata kaajallaasitaa atuutsinneqarpoq.
