27/03/2023
SULISITSISUT ULLOQ 28-29-ini april 2023-imi HOTEL HANS EGEDE-mi AALLARTITAT ATAATSIMIINNISSAANNUT QAQQUSSUTAA
Aallartitat ataatsimiinnissaanni 28-29 april 2023-imi programmi
Matumuuna nalunaarutigineqassaaq, Sulisitsisut ulloq ...
Travel By Heart, angalatitsiviuvoq kalaallimit uummateqarluartumit pigineqartoq.
Allat qanoq iliortarneri isumassarsiorfigineqarsinnaajunaannarput. Taamaattumik Sulisitsisunit qaammatit tamaasa suliffeqarfimmik sumiiffigisaminut piujuaannartitsinerup, naligiissitaanerup, assigiinngisitaarnerup, ilinniartitaanerup, aallarnisaanerup allatigulluunniit angusaqarluarnikkut sunniuteqarsimasut saqqummiunneqartassapput
2019-imi Elise Bruunip angalatitsivik Travel By Heart pilersippaa, Elise Bruun angalanerup silaannakkullu angalatitsinerup iluani ukiut 20-t sinnerlugit misilittagaqarpoq.
Takorluuiuaannarsimavoq. Elisap ukiut tallimat qaangiuppata sumiinnissani takorloorsimavaa, taamaalilluni siunissami inuuneriniakkani takorloorsimallugu.
Tassa aalajangersimavoq iliuuseqarniarluni, namminersortunngorniarlunilu. Suukkiaq ajutooraluaruni. Iliuuseqanngitsoorninimi pillugu peqqissimerusussimanngilaq.
Aallartisarneq Elisamut pissanganarsimavoq sakkortusimallunilu.
Aallartikkami qaammatit arfinillit qaangiutiinnartut COVID ajornartorsiutaalerpoq.
Ajornartoortoqarnerata nalaani Elisap suliffeqarfiutini pillugu eqqarsaatersorsimaqaaq, qanormigooq iliorniarpa. Suliffeqarfilli ingerlaterujoorsimavaa, Kalaallit Nunaatalu iluani angalasoqaqqissinnaalermat suliassat takkussuuteqqilersimapput.
”Staycations”-imik taaneqartartut Elisap periarfissatut isigisimavai, Kalaallit Nunaatalu iluani angalanissat tuninialersimavai. Periarfissat atukkani aallaavigalugit suliffeqarfiutaa alliartorsimavoq.
Suliffeqarfik aamma alliartorpoq – Elisap suleqatini Najárak, angalatitsinerup iluani ilisimaneqarluartoq ukiunilu 16-ini misilittagaqareersoq atorfinitsippaa, Najárarlu Qaqortumi allaffimmi akisussaasuuvoq. Elisap Najáqqallu angalasut sullinneqarluarnissaat qulakkeerniartarpaat.
Travel By Heartip siunissamut anguniagaa tassaavoq niuerfimmi pitsaanerpaanngornissartik. Massakkullu imminnut ”Pitsaanerpaavugut, Kalaallit Nunaallu tamakkerlugu ilisimallutigu
Angalatitsivik nunarsuarmi assigiinngitsuni najugalinneersunit saaffigineqarneruleraluttuinnarput, taakkualu immikkuullarissunik angalarusuttarput, oqarnerattuut taamaaliortitsisinnaaniarunik kiffartuussineri pitsanngorsartuaannartariaqarput. Mittarfissuartaarnissaq periarfissanik ammaassisussatut aamma isigaat, periarfissallu atorluarniassagamikkit suleqatissaminnik nutaamik aamma ujartuipput.
Sulisitsisunit Travel By Heart qaammatip suliffeqarfiatut toqqarneqarneranut pilluaqquarput, angalatitsiviulluni siunissami qanoq ingerlanissaanut malinnaanissatsinnut qilanaarluta.
