ILINNIARTUT SULIFFEQARFIUTERSI PILLUGU ALLATTARIARSORTIKKIT

NUKIGA maanna nittartagartik aqqutigalugu sulianik toqqorsivimmik sananialerpoq, suliffeqarfiillu ilinniartut suliffeqarfiit pillugit suliarisimasaat aaliangersimasut ujartorsinnaanngorpaat paasissutissallu nutaanerpaat pissarsirisinnaanngussallugit - killormuuanilu ilinniartut inuussutissarsiortunut attaveqarnerat annertusissalluni. Sulianut allataasimasunut ujartuissalluni piffissaalluarpoq ilinniartummi maanna upernaamut allattariarsorlutik aallartileruttorput.

Isumaqarussi ilinniartut kalaaliusut qanimut suleqatigissallugit soqutiginartuusoq (imaluunniit Kalaallit Nunaat pillugu suliaqartut) taava NUKIGA peqatigalusi allaaserisassaq ilusilersorneranik ikiuussinnaavoq, Ataaniittut akisigit uungalu nassiullugit sho@nukiga.dk

• Suliffeqarfiup aqqa
• Immikkoortortaq sorleq allaaserisaq tunngassava (soorlu pisiortorneq, akiginiaaneq, nittarsaassineq, assartuineq, sulisoqarnermut tunngasut il. il.)
• Ilinniartup allaaserinninniartup ilinniarnikkut ingerlaaserisassaanik kissaateqarpisi?
• Aaqqittariaqakkatut suliassatut misissorneqarsinnaasutulluunniit allaaserineqarsinnaasoq nassuiaruk (naatsukullammilluunniit)
• Suleqatigiinnissaq qaqugu aallartissinnaava (Soorlu upernaamut)
• Ilissinni attavigineqarsinnaasoq

Allaaserisassaq projekt-erluunniit ilinniartumut attaveqarnissamut aqqutissaalluarpoq, kingusinnerusukkullu sulilersitsiniarnissamut qanillisaataalluni. Sulianut allaaserisimasanut toqqorsivik takujuk uani