Suliffeqarfinnut siunissami pisinnaasunut upalungaarsimaneq

Kalaallit Nunaanni pissutsit nalinginnaasuunngitsut aqqusaartarpagut, assersuutigalugu silap pissusaanut tunngasumik angallannermi kinguartoornerit, silap allanngoriartornera, innaallagiaqarnikkut unitsitsinerit, attaveqaatit ajoquteqarneri il.il. Suliffeqarfitsinnut tamanut piareersarnissamut aammalu upalungaarsimanermut pilersaarusiornissamut sulissuteqarnissaat kaammattuutigaarput. Tassunga ilanngullugu suliffeqarfiit namminneq niuernikkut aarlerinaatit suut inissisimaffigisinnaanerat eqqumaffigineqarnissaat kaammattuutigaarput.

Suliffeqarfittut sulisutsinnut aammalu ilaqutaannut akisussaaffeqarpugut. Taamaattumik ulluinnarni nalinginnaasuunngitsumik pissutsit atorlugit ingerlatsinerup qulakkeerneqarnissaa, aningaasarsianik akileraaruteqartarneq, attaveqatigiinneq il.il. eqqarsaatigineqarnissaat naleqquttuuvoq. Suleqatigiinnerup iluani suleqatigiinnerput DI peqatigalugu ilaasortatsinnut online-mi atortussat arlallit akeqanngitsumik neqeroorutigineqarput, taamaalillutik aarlerinaatit namminneq misissorneqarsinnaallutik aammalu piareersarneq nalilersorneqarsinnaalluni. GE-p ilaasortai “atortussanik katersugaq” atorsinnaavaat uani linkimi:

Beredskabsplan - DI

Risiko- og sårbarhedsanalyse - DI

Nalinginnaasumik, suliffeqarfiup akisussaaffilimmik aqutsisuatut, uku ilaatigut maluginiarneqarsinnaapput:

• • Sulisoqarnermut tunngatillugu attaveqatigiinneq aamma oqaloqatigiinneq
• • Ingerlatsinerup qulakkeerneqarnissaanut pingaaruteqartutut inissisimasut (nøglefunktioner) ilisimaarininneq
• • Systemit pingaarnerit aammalu paasissutissat pingaaruteqartut ilisimaarinninneq, kiisalu paasissutissat sumi toqqorneqarsimanerannut ilisimasaqarneq (Kalaallit Nunaanni, USA-mi, Europami il.il.) aammalu paasissutissanik kopiiliornissamut pilersaaruteqarsinnaaneq
• Likviditetimut aammalu aningaasaliinermut periarfissanut pilersaarut
• Suleqatigiinnermut isumaqatigiissutit imaluunniit pisariitsunik ajornartoorfimmi
• CVR-mi suliffeqarfimmik nalunaarsuisimanermut uppernarsaatip kopiianik timitalimmik (pappiaqqamik) toqqorsineq

Pilersaarusiorluarnissap saniatigut, nammineq pilersuisunut, assersuutigalugu IT-mik sullissisunut, aningaaserivinnut il.il., oqaloqatigiinnerup annertusarneqarnissaa kaammattuutigaarput.

USA-p Kalaallit Nunaanni najuunnera allanngortinneqarpat, qulaani taaneqartut aamma ataqatigiissinneqarsinnaapput. Kalaallit Nunaata statusia allanngorpat, tamanna piffissami qaninnermi sivisuumilu kingunerisinnaasunik peqarsinnaavoq. Eqqissisimaneq kaammattuutigaarput, kisianni aamma nalinginnaasumik ingerlaavartumik siunissami pisussanut aammalu periarfissat nalilersorneqarnissaat kaammattuutigaarput.

Sulisitsisut ukioq manna ingerlanerani piareersarnermut immikkut eqqumaffiginninnerulernissaa naatsorsuutigaarput, aammalu ilaasortani piareersarnermik sulinermut qanoq iliortoqarsinnaanera pillugu ikiuinissamut piareersimalluni.